خبر عن زيارة الملك سعود للقصيم عام 1379 هجرية
المجلة العربية العدد 288 السنة 25 محرم 1422هـ أبريل 2001م
من صحافة الماضي
الملك سعود يتفقد الرس وبريدة
وصل جلالة الملك سعود إلى بريدة أمس الأول قادماً من الرس في زيارة تفقدية ليطلع على أحوال شعبه ورعيته، وذلك بعد جولة استغرقت تسع ساعات مستمرة من الرس إلى بريدة في طريق وعر وحار. وبعد استراحة نصف ساعة قام جلالته بزيارة عدد من وجهاء وأعيان بريدة ومنهم الوجيه علي الفهد الرشودي وإخوانه والوجيه يحيى الشريدة والوجيه عبدالعزيز البراهيم الحمزة والعقيد بالحرس الملكي محمد السليمان حيث تناول لديهم القهوة والمرطبات. كما أقام سعادة الشيخ محمد الربدي عميد أسرة الربدي المعروفة مائدة عشاء كبرى على شرف جلالته وذلك في مزرعة سعادته حضرها عدد كبير من أعيان ووجهاء القصيم. واستمع خلالها جلالته إلى الكلمات والقصائد. وبعد أن فرغ الجميع من تناول العشاء عاد جلالته إلى المكان المخصص لجلالته لدى الوجهاء آل راشد.
البلاد
الإثنين 1 جمادى الأولى 1379هـ
2 نوفمبر 1959م
والخبر منشور على هذا الرابط في صفحة من صحافة الماضي
http://www.arabicmagazine.com/last_issue2.asp?order=3&last_issue_number=722&num=765
قرأت في هذا المنتدى قبل أيام أن جلالة الملك عبدالله بن عبدالعزيز حفظه الله سوف يزور القصيم الشهر القادم . خبرت والدي حفظه الله بما قرأت وسمعت. قال لي يا وليدي أنا هالحين بعيد عن بريدة ولكن أحب متابعة أخبارها وقد فرحت لخبر هذه الزيارة.
وترى كل الملوك زاروا القصيم وجلسوا أيام وأشهر فيها. الملك عبدالعزيز كل سنة كان يزورها وأظن أخر زيارة كانت سنة 1366 والملك سعود زارها مرتين أو ثلاث اذكر منها زيارته سنة 1379 يعني قبل خمسين سنة. وفيصل زارها مرة، وخالد مرة، وفهد مرة، الله يرحم الجميع. والملك عبدالله يبي يزورها أن شاء الله كما قلت.
قلت وش تذكر عن هذه الزيارات قال اللي اذكرها جيداً زيارة الملك سعود لأنني ببريدة وحضرت مع الناس المناسبة.
قلت وش سوى الملك سعود قال أهم شيء فتح المسجد الجامع ومكتبة بريدة ومستشفى بريدة اللي هالحين موجود، وكلها كانت مبنية مسلح.
بعد حديثي معه بحثت في الانترنت قلت يمكن ألقى معلومات أشارك بها في منتدى بريدة اللي كنت ناوي ان أسجل بوه.
ما لقيت معلومات تسوى لكن لقيت خبراً اعتقد انه مهم عن زيارة الملك سعود لبريدة وهو منشور في المجلة العربية وهي ناقلته من جريدة البلاد . طبعاً في ذلك الوقت كانت البلاد هي الجريدة الرئيسية في المملكة وما فيه جريدة الجزيرة أو الرياض أو عكاظ.
قريت الخبر المرفق أعلاه على والدي قال ذكرتني بالزيارة وبعض أحداثها والمطار القديم اللي كان بالعكيرشة وغيرها.
قلت المشكلة أن الزيارات هذي خاصة حقت الملك عبدالعزيز والملك سعود غير معروفة لجيل اليوم وهي غير موثقة ولم يكتب عنها. قلت طيب هل تعرف الناس اللي زارهم الملك سعود وذكرت اسماءهم في الخبر. قال كيف كلهم.
قلت طيب منهو الشيخ محمد الربدي اللي أقام مائدة عشاء كبرى على شرف جلالته وذلك في مزرعته:
قال ماتعرف الربادا قلت إلا وشلون، قال أشوى. وقال أوههههه هذا أبو صالح الله يرحمه هو محمد العبدالعزيز الربدي أظنه توفي سنة 1390 أو 1391 . وجده دحيم المحمد الربدي قتل في معركة الصريف سنة 1318 دفاعاً عن بريدة وأهلها وخسر الربادا بسبب ذلك أموال كثيرة. ذبحه ابن رشيد وأخذ أموال الربدي واللي يقال أنهم كانوا أغنياء ويقال أن جدهم له خير كثير على الناس وعلى بريدة، وكذلك كانت ذريته.
كان محمد العبدالعزيز الربدي علم من أعلام الرجال يوجب الناس وينقل مطالبهم مثل أعمامه وأهله قبله. كان من خيرة الرجال وأكرمهم لم يكن يجي لبريدة أحد إلا يعزمه صغير أو كبير، وكانت مزرعتهم بالمتينيات شمال بريدة. وكانت هالمزرعة مضافة دائمة وماكان يبخل على احد، كان رجل حبيب وكريم بكل معنى الكلمة. يقال انه توفي وعليه ديوان كثيرة رحمه الله. كنا نطلع نكشت بالمتينيات ونسبح بالعين فيها. وكانت مزرعة الربدي بالمتينيات مفتوحة لكل الناس حاضرة وبادية.
قلت وليش سكن الملك سعود عند الراشد. قال الراشد وألف نعم خيرهم على بريدة وأهلها كثير. وهاكاليوم بعزهم كانوا تجار وكانت بيوتهم بالصفراء جديدة توها منتهية ومافيه بالصفراء بيوت غيرها وماكان ببريدة قصر أو مكان مناسب ولكن بيوتهم كانت فندق بريدة ومضافة بريدة، وكان إبراهيم الراشد الحميد وأخوه عبدالله وعبدالعزيز الله يرحم الجميع لهم دور كبير في تطوير بريدة . بنو مصانع الراشد اللي هالحين مركز تدريب مهني ، وأسسوا مصرف كان له فروع في كل المدن ، وأسسوا شركة الكهرباء ببريدة، ومزارعهم في وهطان والدغمنيات كانت مفتوحة لكل الناس اللي يسبح يسبح واللي يأكل تمر وعنب وجح يأكل وكنا نكشت فيها ونصيد. وماكان يجي احد لبريدة إلا يستضيفونه.
قلت ومنهو علي الفهد الرشودي: قال أبوه فهد العلي الرشودي علم من أعلام بريدة، وأخوة إبراهيم العلي لهم الكثير من الأعمال الجليلة لبريدة وأهلها الله يرحم الجميع، ومن أخوة علي الفهد، عبدالعزيز الفهد الرشودي توفي قبل سنوات ما اذكر متى رحمهم الله. وكل منهم له أعمال جليلة. ومن ذرية على الفهد الموجودين محمد العلي الموجود في بريدة هالحين.
قلت ومنهو يحيى الشريدة: قال ذولا الشريدة أعلام وش أقول عنهم، لهم الكثير من الأعمال الجليلة لبريدة وأهلها، ويحي هذا أبو عبدالله اليحي الشريدة اللي كان بالغرفة والنادي، من خيرة الرجال رحمه الله. ويمكن ما تعرف بعد محمد العبدالرحمن الشريدة رجل شجاع ومن كبار العقيلات قتل بمعركة جراب الله يرحم الجميع.
قلت طيب ومنهو عبدالعزيز البراهيم الحمزة: قال هذا اللي لهم عين الحمزة شمال الفايزية وكان لهم عمارة في شارع الخبيب اسمها عمارة الحمزة رحمه الله. والحمزة أسرة كبيرة كريمة كثير منهم بالرياض هالحين، ونعم بالجميع.
قلت و العقيد بالحرس الملكي محمد السليمان منهو: قال والله ما اعرف أحد بها الاسم لكن أكيد أنه يقصد (محمد الذيب) الله يرحمه كان قائد الحرس الملكي وقت الملك سعود أو قت الملك عبدالعزيز، وكان ذيب على اسمه، له عين الذيب المعروفة، كنا نكشت بها ونسبح، وما احد يقول شي كانوا يفرحون بنا. كنت اعرف ولده أحمد الذيب بالرياض توفي الله يرحمه قبل سنوات، بس هالحين ما عرف له ذرية، الله يرحمه رحمة واسعة.
قلت سؤال أخير قال قل تراك ذكرتني بالأيام الماضية والرجال الله يرحمهم جميعاً. قلت في الخبر يقول حيث تناول لديهم القهوة والمرطبات. في ذلك الوقت تقولون فيه قهوة بس هل كان فيه مرطبات؟... ضحك وقال مرطبات. مادري وش المرطبات اللي يقصدون لأنه كان يجي هاكالايام شراب كوكاكولا وفانتا بس ماكنا نسميه مرطبات نقول كولا كولا ونلعب فيه طاش ماطاش، ويمكن ما نذوقه بالشهر مرة ماهو مثلكم هالحين كل ساعة بيبسي أو غيرة وعصيرات وخيور كثيرة. وقال نسيت أقول لك يمكن كان شراب مشن لأنه كان ببريدة مصنع مشن كان المصنع في الصفراء للحصان الله يرحمه. أو يمكن شراب توات أو شربات والله مادري ما حضرت معهم . بس نسيت يوم يزور الملك سعود بريدة هل مصنع المشن حق الحصان قائم و ما بني بعد الزيارة.
قلت والله عندك علوم كثيرة يبي لها تسجيل وحفظ قال شد حيلك.
وقال بس عندي لك سؤال هالحين وشلون ما تعرفون هالناس وأعمالهم نسيتوهم بسرعة ، يعني خلاص لامات الرجال نسيتوهم ما يصير كذا. مشكلتكم نسيتوا الناس تذكرون اللي قدامكم بس وحتى بعد ما يموت تنسونه. هالرجال اللي ذكرت لك غيرهم كثير بس ذولاء ورد ذكرهم في الخبر اللي قريت علي وهو وثيقة تاريخية ومن حظ هالرجال الكرام أنه لم يكن في وقتهم صحافة ولا انترنت ولا أخبار ولا كان شفت عنهم علوم كثيرة.
كل واحد منهم يستحق التكريم وان يسمى باسمه شارع حتى لاتنساه الاجيال الجاية مثل ما نسيتوهم انتم.
قلت كثر خيرك ما قصرت وسوف اسئلك عن بقية أخبارهم وأخبار غيرهم من رجال بريدة بعدين.
المجلة العربية العدد 288 السنة 25 محرم 1422هـ أبريل 2001م
من صحافة الماضي
الملك سعود يتفقد الرس وبريدة
وصل جلالة الملك سعود إلى بريدة أمس الأول قادماً من الرس في زيارة تفقدية ليطلع على أحوال شعبه ورعيته، وذلك بعد جولة استغرقت تسع ساعات مستمرة من الرس إلى بريدة في طريق وعر وحار. وبعد استراحة نصف ساعة قام جلالته بزيارة عدد من وجهاء وأعيان بريدة ومنهم الوجيه علي الفهد الرشودي وإخوانه والوجيه يحيى الشريدة والوجيه عبدالعزيز البراهيم الحمزة والعقيد بالحرس الملكي محمد السليمان حيث تناول لديهم القهوة والمرطبات. كما أقام سعادة الشيخ محمد الربدي عميد أسرة الربدي المعروفة مائدة عشاء كبرى على شرف جلالته وذلك في مزرعة سعادته حضرها عدد كبير من أعيان ووجهاء القصيم. واستمع خلالها جلالته إلى الكلمات والقصائد. وبعد أن فرغ الجميع من تناول العشاء عاد جلالته إلى المكان المخصص لجلالته لدى الوجهاء آل راشد.
البلاد
الإثنين 1 جمادى الأولى 1379هـ
2 نوفمبر 1959م
والخبر منشور على هذا الرابط في صفحة من صحافة الماضي
http://www.arabicmagazine.com/last_issue2.asp?order=3&last_issue_number=722&num=765
قرأت في هذا المنتدى قبل أيام أن جلالة الملك عبدالله بن عبدالعزيز حفظه الله سوف يزور القصيم الشهر القادم . خبرت والدي حفظه الله بما قرأت وسمعت. قال لي يا وليدي أنا هالحين بعيد عن بريدة ولكن أحب متابعة أخبارها وقد فرحت لخبر هذه الزيارة.
وترى كل الملوك زاروا القصيم وجلسوا أيام وأشهر فيها. الملك عبدالعزيز كل سنة كان يزورها وأظن أخر زيارة كانت سنة 1366 والملك سعود زارها مرتين أو ثلاث اذكر منها زيارته سنة 1379 يعني قبل خمسين سنة. وفيصل زارها مرة، وخالد مرة، وفهد مرة، الله يرحم الجميع. والملك عبدالله يبي يزورها أن شاء الله كما قلت.
قلت وش تذكر عن هذه الزيارات قال اللي اذكرها جيداً زيارة الملك سعود لأنني ببريدة وحضرت مع الناس المناسبة.
قلت وش سوى الملك سعود قال أهم شيء فتح المسجد الجامع ومكتبة بريدة ومستشفى بريدة اللي هالحين موجود، وكلها كانت مبنية مسلح.
بعد حديثي معه بحثت في الانترنت قلت يمكن ألقى معلومات أشارك بها في منتدى بريدة اللي كنت ناوي ان أسجل بوه.
ما لقيت معلومات تسوى لكن لقيت خبراً اعتقد انه مهم عن زيارة الملك سعود لبريدة وهو منشور في المجلة العربية وهي ناقلته من جريدة البلاد . طبعاً في ذلك الوقت كانت البلاد هي الجريدة الرئيسية في المملكة وما فيه جريدة الجزيرة أو الرياض أو عكاظ.
قريت الخبر المرفق أعلاه على والدي قال ذكرتني بالزيارة وبعض أحداثها والمطار القديم اللي كان بالعكيرشة وغيرها.
قلت المشكلة أن الزيارات هذي خاصة حقت الملك عبدالعزيز والملك سعود غير معروفة لجيل اليوم وهي غير موثقة ولم يكتب عنها. قلت طيب هل تعرف الناس اللي زارهم الملك سعود وذكرت اسماءهم في الخبر. قال كيف كلهم.
قلت طيب منهو الشيخ محمد الربدي اللي أقام مائدة عشاء كبرى على شرف جلالته وذلك في مزرعته:
قال ماتعرف الربادا قلت إلا وشلون، قال أشوى. وقال أوههههه هذا أبو صالح الله يرحمه هو محمد العبدالعزيز الربدي أظنه توفي سنة 1390 أو 1391 . وجده دحيم المحمد الربدي قتل في معركة الصريف سنة 1318 دفاعاً عن بريدة وأهلها وخسر الربادا بسبب ذلك أموال كثيرة. ذبحه ابن رشيد وأخذ أموال الربدي واللي يقال أنهم كانوا أغنياء ويقال أن جدهم له خير كثير على الناس وعلى بريدة، وكذلك كانت ذريته.
كان محمد العبدالعزيز الربدي علم من أعلام الرجال يوجب الناس وينقل مطالبهم مثل أعمامه وأهله قبله. كان من خيرة الرجال وأكرمهم لم يكن يجي لبريدة أحد إلا يعزمه صغير أو كبير، وكانت مزرعتهم بالمتينيات شمال بريدة. وكانت هالمزرعة مضافة دائمة وماكان يبخل على احد، كان رجل حبيب وكريم بكل معنى الكلمة. يقال انه توفي وعليه ديوان كثيرة رحمه الله. كنا نطلع نكشت بالمتينيات ونسبح بالعين فيها. وكانت مزرعة الربدي بالمتينيات مفتوحة لكل الناس حاضرة وبادية.
قلت وليش سكن الملك سعود عند الراشد. قال الراشد وألف نعم خيرهم على بريدة وأهلها كثير. وهاكاليوم بعزهم كانوا تجار وكانت بيوتهم بالصفراء جديدة توها منتهية ومافيه بالصفراء بيوت غيرها وماكان ببريدة قصر أو مكان مناسب ولكن بيوتهم كانت فندق بريدة ومضافة بريدة، وكان إبراهيم الراشد الحميد وأخوه عبدالله وعبدالعزيز الله يرحم الجميع لهم دور كبير في تطوير بريدة . بنو مصانع الراشد اللي هالحين مركز تدريب مهني ، وأسسوا مصرف كان له فروع في كل المدن ، وأسسوا شركة الكهرباء ببريدة، ومزارعهم في وهطان والدغمنيات كانت مفتوحة لكل الناس اللي يسبح يسبح واللي يأكل تمر وعنب وجح يأكل وكنا نكشت فيها ونصيد. وماكان يجي احد لبريدة إلا يستضيفونه.
قلت ومنهو علي الفهد الرشودي: قال أبوه فهد العلي الرشودي علم من أعلام بريدة، وأخوة إبراهيم العلي لهم الكثير من الأعمال الجليلة لبريدة وأهلها الله يرحم الجميع، ومن أخوة علي الفهد، عبدالعزيز الفهد الرشودي توفي قبل سنوات ما اذكر متى رحمهم الله. وكل منهم له أعمال جليلة. ومن ذرية على الفهد الموجودين محمد العلي الموجود في بريدة هالحين.
قلت ومنهو يحيى الشريدة: قال ذولا الشريدة أعلام وش أقول عنهم، لهم الكثير من الأعمال الجليلة لبريدة وأهلها، ويحي هذا أبو عبدالله اليحي الشريدة اللي كان بالغرفة والنادي، من خيرة الرجال رحمه الله. ويمكن ما تعرف بعد محمد العبدالرحمن الشريدة رجل شجاع ومن كبار العقيلات قتل بمعركة جراب الله يرحم الجميع.
قلت طيب ومنهو عبدالعزيز البراهيم الحمزة: قال هذا اللي لهم عين الحمزة شمال الفايزية وكان لهم عمارة في شارع الخبيب اسمها عمارة الحمزة رحمه الله. والحمزة أسرة كبيرة كريمة كثير منهم بالرياض هالحين، ونعم بالجميع.
قلت و العقيد بالحرس الملكي محمد السليمان منهو: قال والله ما اعرف أحد بها الاسم لكن أكيد أنه يقصد (محمد الذيب) الله يرحمه كان قائد الحرس الملكي وقت الملك سعود أو قت الملك عبدالعزيز، وكان ذيب على اسمه، له عين الذيب المعروفة، كنا نكشت بها ونسبح، وما احد يقول شي كانوا يفرحون بنا. كنت اعرف ولده أحمد الذيب بالرياض توفي الله يرحمه قبل سنوات، بس هالحين ما عرف له ذرية، الله يرحمه رحمة واسعة.
قلت سؤال أخير قال قل تراك ذكرتني بالأيام الماضية والرجال الله يرحمهم جميعاً. قلت في الخبر يقول حيث تناول لديهم القهوة والمرطبات. في ذلك الوقت تقولون فيه قهوة بس هل كان فيه مرطبات؟... ضحك وقال مرطبات. مادري وش المرطبات اللي يقصدون لأنه كان يجي هاكالايام شراب كوكاكولا وفانتا بس ماكنا نسميه مرطبات نقول كولا كولا ونلعب فيه طاش ماطاش، ويمكن ما نذوقه بالشهر مرة ماهو مثلكم هالحين كل ساعة بيبسي أو غيرة وعصيرات وخيور كثيرة. وقال نسيت أقول لك يمكن كان شراب مشن لأنه كان ببريدة مصنع مشن كان المصنع في الصفراء للحصان الله يرحمه. أو يمكن شراب توات أو شربات والله مادري ما حضرت معهم . بس نسيت يوم يزور الملك سعود بريدة هل مصنع المشن حق الحصان قائم و ما بني بعد الزيارة.
قلت والله عندك علوم كثيرة يبي لها تسجيل وحفظ قال شد حيلك.
وقال بس عندي لك سؤال هالحين وشلون ما تعرفون هالناس وأعمالهم نسيتوهم بسرعة ، يعني خلاص لامات الرجال نسيتوهم ما يصير كذا. مشكلتكم نسيتوا الناس تذكرون اللي قدامكم بس وحتى بعد ما يموت تنسونه. هالرجال اللي ذكرت لك غيرهم كثير بس ذولاء ورد ذكرهم في الخبر اللي قريت علي وهو وثيقة تاريخية ومن حظ هالرجال الكرام أنه لم يكن في وقتهم صحافة ولا انترنت ولا أخبار ولا كان شفت عنهم علوم كثيرة.
كل واحد منهم يستحق التكريم وان يسمى باسمه شارع حتى لاتنساه الاجيال الجاية مثل ما نسيتوهم انتم.
قلت كثر خيرك ما قصرت وسوف اسئلك عن بقية أخبارهم وأخبار غيرهم من رجال بريدة بعدين.
لمجلة العربية العدد 288 - من صحافة الماضي