ياللـه يـا مـرسـي ثقيـل الجبـالـي *** تفــرج لنـا يــا رب مــن قبـــل الإيـّـــاس
يـا نـاظـر يـا عـالـم بالـهــــزالــي *** يـا منـــزل الرحمـــة كثـيـــر بـلا قيـــاس
يا باسط فرش الوطى وأنت عالي *** بالسـابـع الفوقى علـى العــرش جــلاس
ترجيــك تهلـكة الوطـى والطفالي *** يـا رازق المخلــوق مـن كــل الأجـنــاس
أرقبـت رجـــم بالجـذيـبـة زمـا لي *** حزة غيوب الشمـس من قبل الإدمـــاس
يصلي المصلي والشفق له توالي *** وردت همــوم الليــل من كــل هوجـــاس
ونيــت أنـا لـي ونـة مـن هـبـالـي *** لــولاي أدوج بالفــــظـا قلــت بأحبــــاس
البــارحة يا حمود من ضيق بالي *** قلبـــي كمـــا حـــب يقلــــب بمـحـمـــاس
حـب عليه مـن الجحيـم اشتعــالي *** اللي يحمــسه شـــارد الذهــن منحـــاس
يـا لـوج قلبــي يـوم لاج الحلالــي *** القـــاع بيـــــضا والمــلازيــم يــبـــــاس
و يا مس قلبي من غبـون الليـالي *** مـس الغـــروب اللي تشـابـك بالأمـراس
عقـد شبكـهن وأوقفـن الجمــــالي *** حـــل الظـلام ومــا لقــوا فيـه مخــلاص
سيـــم طـواهن بامتـراج المحـالي *** بس المخاطر بالخشب تضرس اضراس
قعـدت ادايـر حيـلتـــي وابتـحـالـي *** ليــامــا طلــع للصبــح عيـــن وعسـاس
بغيــت أنـا اشوف الملك ما هيـالي *** مـا صـح لي غير الحســايف والأفحـاس
أنــا أشهـد إنه عنــدنا حيـل غـالـي *** وحكـــمه لنا يــا حمود فخـــر ونومـاس
يامـا فــدر مـن هايجــات الجمــالي *** ويامـا عطــى بلا شح من قطم الأكيـاس
ينـثـر كمــا ينـثـر صـدوق الخيالـي *** واللــي عنـــى له مـا يمنــــى بالإفــلاس
يـا شـرقـة الـزلزل عطيـب المـدالي *** يا شــذرة الفــولاذ يــا صــافـي المــاس
يـا الله يـا معبــود حقـــق سـؤالــي *** ياللــي خلقــت الكــون و الجن والنــاس
يـا عـل حكــمه مـا يجيـه الـزوالـي *** ولا ينـــهدم مبـنـاه والعــدل لـه ســــاس
ســاس يـسـيـّـس للعصـور التوالي *** ليــا قـومــة السـاعة وحشرات الأنفـاس
ابن الإمــام الفـذ وافـي الخصـــالـي *** شــريـعــة اللـه لــه منهــاج ونبــــراس
عبـد العـزيـز اللــي أفعـالـه جـزالي *** وهـايــب يمشــي بــها تـرفـــع الـــراس
عجـل الصعــود لشـامخـات العوالي *** كســـاب مجــد لا يقـــدر ولا يقـــــــــاس
حامـي وطنـا من جنـوب وشمـالــي *** هــو أمنــها وأشــــرار بقعا لها احبـــاس
سـوره مـن الهـزات مـابه اختـلالـي *** ولا للعــدو مع حلقــة الســـور مدحـــاس
يمــوت ما يــــدرك عليـــنا مجــالـي *** مــن هيبـــة اللـــي للخـفـيـــات حســـاس
عقــب الكــدر ذقنــا طعم كل حــالي *** بســـواعد اللــــي تابــــع صفــوة النــاس
هيــا لنــا شـرب القـــراح الــزلالـي *** ويجنـــي الثمــر ببـــلادنـا كــل غـــــراس
بحـــد السيــوف المرهفات السلالي *** ومصقـــلات مـا بينــهن صفـــر ونحــاس
مــا غيــرهم عــز ولا من ظــلالـــي *** إلا حـكومـــات البراطيـــــل وخــســـــاس
علــى الضعيــف يشددون الحبــالي *** أمـــا الســـروق يســانــــدونــه بــالأدلاس
أفشــل هـــل الحيـلات والإحتيـــالي *** هـزمــوا ومنــيــوا بالخســايـر والأفــلاس
ومتعــلــــم دورات فــن القتـــالـــي *** حـنــا نـنــام وهـــو لـنــــا دوم حـــــــراس
عـن ما وصل له يقصرون الرجالي *** كســـــاب بالقــــوات نصـــــر ونــــومـاس
جنــازته لا مــســها حـــر صــالــي *** فــــي جنــــة الفردوس مع خضر الألبـاس
رحم الله الشاعر مغثي ابن صباح الجلعودي الدهمشي
ورحم الله الملك سعود