هذه قصيدة "حربية" في جلالته

يالله ياللي نطلبه في كل حين
يامنزلٍ ودق الغشين من الغمام

يالواحد الفرد الصمد مالك حتين
حكم القدر عندك وعينك ماتنام

ذكر الله البادي عسى ربي يعين
لسعود عز الدين وجهت الكلام

سلطان نجد وناصحٍ للمسلمين
يسهر لشعبه واكثر العالم نيام

ابو اليتامى والصغار القاصرين
وهايبه للشعب من جيبه جسام

مثل الحيا يحيي قلوب المدهرين
فضله على كل العرب شامٍ ويام

هو عزنا هو نورنا درعٍ حصين
وحنا جنوده كل ماثار العسام

الا ومر بأمرٍ ترانا حاظرين
من دونه الارواح نكتبها عدام

يوم الحرايب والجهاد مجَربَين
من دون عسف ودون تدريب النظام

على امركم نمشي وحنا سامحين
لعلكم ذخرٍ لنا دب الدوام

وصلو على سيد البشر ياسامعين
ماناض برق وعد ماناح الحمام

قصائد للشيخ ماجد بن عمر بن ربيعان