مرحبا يا اللي بفعله حمى دار العرب
أرهبت كل الدير هيبته تتبع رضاه
حاكم العربان لينه فصل بمر خطب
يفصل أمره والدول ما ترده عن هواه
نسل حر من حرار على الوكر انتصب
قوم أمر الشرع بالعدل ما زلت خطاه
عيدنا يومه لفا في بلدنا جاء الطرب
زاير أهل الوسيطى ولا نلحق جزاه
جود حدود الجزيرة بقوة واحتسب
حط فيها قوة الحرب لين أرهب عداه
شافها قايد جيوش اليهودي وارتهب
والمدافع لي نوينا توصل منتهاه
بو فهد يا نصرة الدين ضد اللي حرب
في الملاقا يجلب الروح ما يبغى الحياه
يرهج العدوان صوته ليمنه ندب
والمعادي ضايبه خفة يومه نواه
سلة آل سعود هم اللي يفكون الحسب
والعدو من ولهم مات ماحصل رجاه
عزهم عز لنا بارزين للطلب
بالعيال وذخرة المال يا جعله فداه
