الشرافي تهيض يبدع الـقافي
يبدع القافي يركب به مناديبه
يبدع القافي ياخذ شي خفافـي
لين كل يعرف القول يدري به
نحمد اللي علينا منه الوافــي
والمغني يبي يطرب معازيـبه
يا نديبي ترحل فوق هــــيافي
اندبه بالخبر يدّيــه ويجيبــــه
انشده يوم هيتهم وما شافـــي
يوم ابو تركي يسطي مضاريبه
جمعهم لامن شاف الهوش زحّافي
كم عدو تفكّر ويش ســــــوّي به
ربي استر عليهم بستره الضافي
والعدو دونهم تفلت مـــــــطاليبه
آل مقرن حــــــرار مالها صافي
كلهم نــــــادر تــــــــلطم مخاليبه
جودوا بيت مكه جمع واردافــي
من نوى بالحرم يدخل يصلي به
من دخلها سجد يامن ولا خافي
باب جدّه مــــجوّدة مـــــــقاضيبه
الشرافي من الوادي والاطرافي
وآل زايد تـــرى كلٍّ عـــلى طيبه
وسلامتكم...