قصيدة للشيخ ماجد بن عمر بن ربيعان عن الملك سعود " رحمهم الله جميعاً "

هلا بالعاهل اللي جيته مثل الحيا المامور
ربيع الدار مدرارٍ على الديرة واهاليها
 
لفا سلطان نجد وزادت الدنيا فرح وسرور
ربيع المملكة شوفة سعود وعاش حاميها
 
تهنّت عاصمة ملكه بشوفه والعلم منشور
زهت واستبشرت في مقدمه والنور غاشيها
 
مليك الشعب عاهلنا المفدى مقدم الطابور
صليب الراي هوماته عسيراتٍ مراقيها
 
جمع راي العرب واحد بفكره ماذخر مذخور
وساد الناس بالمعروف قاصيها ودانيها
 
غريب في زمانه بالسياسة ماعليه قصور
تخضع له رجالنٍ لو فعايلها تهقويها
 
ابمدح قايد الامه وانا مافي كلامي زور
خصال المجد والاحسان والمعروف حاويها
 
الى منه ومر نمشي مشينها لو نخوض بحور
على حرف الاشارة  غالي الارواح نصخيها
 
براي الله ثم باللي الا منه غضب ممرور
الى اشتبت شعار المعركة بامره نصاليها
 
عسى عمره يدوم لنا سنين بلا عدد وشهور
الا مسعد حياة الشعب حاظرها وباديها
 
نبي نسجد لمولانا وندعي بالدعى الماثور
بعز سعود عز الدين مادامت لياليها
 
واختم القيل مني في صلاتي مابدا من نور
على  ( طه ) رسول الله وتسلميي بتاليها