وهذه القصيدة قالها الشيخ / ماجد بن عمر ربيعان في سفرالملك سعود للعلاج عام ١٣٨١هـ
قال من عدّا وغنا على روس الجبال
ذاق لذات الفرح في حياته والسرور
احمد اللي بدل العسر من يسره وزال
المضرة وانت يالله حلال العسور
شاف منك العاهل اللي على شعبه ظلال
الشفا والشعب كله على العاهل غيور
يرتجون لعودته مثل مايرجى الخيال
والحيا مثله ليا صاب يمحن الدهور
جعل عينٍ مابكت يوم عزّم بارتحال
من مطار عريف واقفى تعالج بالقطور
لو نشاور كان بالروح دونه والعيال
نفتدي ونشوفها في بعض حقه قصور
الله اكبر كل ماحل بسعود المجال
حاربت عيني كراها ودمعتها تفور
ابشرو يالشعب في صحته مابه شكال
صرحت فيه الاذاعة لتحديد الحظور
يشهد الله ثم خلقه على صدق المقال
الكلام اللي تنطقت به مافيه زور
عندنا له بيعةٍ مانغيرها محال
ولانخونه لا وعلام ماتخفي الصدور
ختمها صلو على الهاشمي ماح الضَلال
عد ساعات الدهر والليالي والشهور
قصائد للشيخ ماجد بن عمر بن ربيعان