لماذا سمى أهل مدينة السليل في الباحة ابنائهم باسم سعود

المؤلف:‏محمد بن عبدالله بن عامر ال هميل الودعاني

 في فترة حكم المغفور له بإذن الله جلالة الملك سعود
‏كان في أمارة الباحة رجل  يعمل خوي في الامارة‏ إسمه
‏سعيد بن فرحان الودعاني
‏الملقب بولد بتلاء وكان وحيد امه ويوجد شخص آخر اسمر اللون ، مجرم ويبيع الخمور ويغتصب النساء ويعتقد انه كان ساحر لدرجة ان الدوريات لاكثر من خمس سنوات كل ماراحوا يقبضون عليه انحاش منهم واختفى ،‏وانتشرالخوف بينهم فقام امير الباحه باصدار امر القبض عليه حي او ميت.
‏فراح الرجال الي من ربعي ليقبضوا عليه فاطلق عليهم النار وصوب واحد منهم ، وقام خوينا واطلق عليه النار وتوفى المجرم
‏وسجن خوينا وصدر بحقه القصاص
‏قامت امه وراحت للزعيم سعود (الملك سعود) جعله في اعلى الجنات وكشفت برقعها عنده وبكت
قالت يا ابونا الملك سعود ، هذا ولدي الوحيد وراح للمجرم وطبق امر الدولة والحين تقاصوه
‏قال ان صدقتي فابشري بولدك
‏قام وكلم امير الباحه
‏وساله عن القصة ، وخاف أمير الباحة ،واخفى الخطاب الي يقول فيه امسكوه حي او ميت
‏والملك فطن
و ‏قال له :"اسمع يا امير والله ثم والله لو ادري لو بعد خمسين سنة انك مصدر قرار حي او ميت، ان اعدمك انت وكل موظفينك "وخاف الامير واعترف للملك سعود وقال :" اجل بتجيك العجوز ام السجين". قال الملك سعود :"
‏ارسلها هي وولدها لمكة للحج في سيارة الدولة واعتقه" قال أمير الباحة للعجوز :"روحي واستلمي ولدك وان كانك عاجزه جبناه لك هنا"
‏قالت :"الا بروح احج".
‏وراحت وحجت مع قرة عينها وتوفت بعد الحج بشهر
‏وبعد هذه القصة ،صار لازم كل بيت في سليل يسمون فيه  سعود.
‏ولما زار الملك سعود سليل  ، كان  اول ملك  يزورها ،و ‏قابله جدي ‏ عامر بن محمد الملقب بعامر بن سارة وقال له حنا نبايعك ع السمع والطاعة قال الملك يمزح وكيف تبايع وانت مابعد شفتني الا مرة
‏قال جدي الملك الي يفزع للعجوز ويخرج ولدها
‏هذا نبايعه لو تطير رقابنا
‏فقام جلالته باصدار امر صرف شرهه شهريه لجدي
وكان يعطي كل فرد ١٠٠ ريال ويوم جاء دور جدي قال للخوي هذا عطه الف
‏ولما صارت الحرب مع اليمن في زمن  الملك فيصل رحمه الله  ‏توقفت الشرهه ،‏وقال ابوي ‏,وابوي عقيد متقاعد اسمه عبدالله بيروح  اطالب بها ،‏قال جدي
‏حنا في حرب اذا ماعطينا بلدنا ولا ماناخذ منه
‏واشترك اخو جدي في حرب جازان واستشهد فيها ، وهذا الموقف
‏الي خلا كل بيت في السليل يسمي سعود ونحج ونعتمر له
‏جعله في الفردوس الاعلى .


‏محمد بن عبدالله بن عامر ال هميل الودعاني